Babbar majalisar dokokin kasar Sin ta amince da wasu gyare-gyaren da aka yi wa dokar HKSAR

A ranar Talata ne manyan 'yan majalisar dokokin kasar Sin suka kada kuri'ar amincewa da kudurin doka na yankin musamman na Hong Kong (HKSAR) da aka yi wa kwaskwarima na Annex I da Annex II.

Rukunin biyun sun shafi tsarin zaɓen babban jami'in HKSAR da kuma hanyar kafa majalisar dokokin HKSAR da kuma hanyoyin kada kuri'a, bi da bi.

An zartar da gyare-gyaren ne a wajen rufe taro na 27 na zaunannen kwamitin majalisar wakilan jama'ar kasar Sin karo na 13.

Shugaba Xi Jinping ya rattaba hannu kan umarnin shugaban kasa don fitar da sabbin tsare-tsare.

Li Zhanshu shugaban zaunannen kwamitin NPC ne ya jagoranci taron, wanda ya samu halartar wakilai 167 na zaunannen kwamitin NPC.

Taron ya kuma zartas da kudirin doka da suka shafi nadin ma'aikata da kuma cire su.

Li ya kuma jagoranci taruka biyu na majalisar shugabannin zaunannen kwamitin NPC kafin rufe taron.